Jose Mourinho: Ndị otu egwuregwu na-achụzịm

Akụkọ dị mkpa taa

Jose Mourinho Image copyright Getty Images

Onye bụbu onye nchịkọta otu Manchester United akọwala na ya enwetala ozi ọrụ ruru atọ mana o nweghi nke ọ nara.

Cheta na otu Manchester chụrụ ya n'ọrụ dịka onye ndụ n'ọnwa dizemba afọ gara aga.

O kwukwara na ndị egwuregwu bọọlụ nke agba ọhụrụ adịghị ka ndị ogbo nke mgbe ochie.

"Anaghị m a park bus" ka o kwuru.

N'okwu ndọrọ ndọrọ ọchịchị

Image copyright Atiku Abubakar

Ndị mmadụ ataala onye na-azọ ọkwa onyeisiala bụ Atiku Abubakar ụta ihe o jighi sonye na nrụrịtaụka nke ọkwa onyeisiala emere na mgbede ụbọchị satọde

Atiku zọrọ isi onwe ya na-ekwu n'agbanyeghi na ọ bịara n'ọdọ nrụrịtaụka ahụ, o sonyeghi n'ihi na onyeisiala Muhammadu Buhari n'onwe ya abịaghị

Ebe Onyeisiala Buhari n'onwe ya na-akọwa na ọ bịaghị na ya bụ nrụrịtaụka maka na ọ bataghị Abuja n'oge dịka o gara ọrụ achụmnta vootu na steeti abụọ ndị ọzọ

Sọsọ Oby Ezekwesili, Kingsley Moghalu na Fela Durotoye sonyere na ya bụ nrụrịtaụka.

Gụọ ya n'uju ebe a: Buhari: Ihe mere m ejighi sonye na nrụrịtaụka

Na mba ofesi

Image copyright Reuters

Otu ụlọikpe dabere n'akwụkwọ iwu mba Kongo ekwezuola na ọ bụ Felix Tshisekedi meriri ntụlịaka emere n'obodo ahụ n'ọnwa disemba afọ 2018.

Nke a pụtara na ha jụrụ mkpesa Martin Faylu na ndị ọzọ zọrọ ya bụ ọkwa mere iji tụgharị mmeri Tshisekedi.

Akụkọ niile dị mkpa n'otu nkeji

Ngwaọrụ gị akwadoghi ọkpụkpọ mgbasa ozi
Media captionAkụkọ ga-amasị gị ịkọ mgbe ọbụla